Interi nuk ia doli të marrë pikë në transfertën ndaj Torinos, ndonëse krijoi shumë raste gjatë gjithë 90-minutëshit, por pa arritur të konkretizojë.
Një nga mundësitë ishte me Candrevën, që ekzekutoi një goditje dënimi, duke goditur shumë fort, por pa gjetur kuadratin e Sirigut.
Gjithsesi goditja e anësorit italian ka shkaktuar më shumë dëme sesa një gol në portën e Torinos. Topi u përplas në shpatullat e njërit prej personave të kontraktuar për të ruajtur sigurionë në stadium, i cili ishte me shpinë nga fusha, pasi po vëzhgonte tribunën pas porte.
Paraditen e sotme, mediat italiane raportuan se goditja e fortë dhe e papritur i ka dëmtuar shpretkën 25-vjeçarit dhe sot ai i është nënshtruar një operacioni për heqjen e organit.
Kujtojmë që djaloshi 25-vjeçar nuk e la punën, pavarësisht dhimbjeve, por qëndroi deri në minutën e fundit, për t’iu drejtuar më pas klinikës, ku edhe u konstatua lajmi aspak i këndshëm.
Rasti i gjuajtjes së Candrevës në minutën 1:43
