Sonte është mbyllur faza e grupeve dhe kështu janë përcaktuar katër ekipet gjysmëfinaliste të Europianit të 19-vjeçarve që zhvillohet në Sllovaki.
Në grupin A, Franca, e cila ishte në kualifikuese në grup me Shqipërinë, blindoi vendin e parë duke koleksionuar 9 pikë, ndërsa Italia siguroi vendin e dytë me 6 pikë.
Në grupin B, Anglia nuk la pikë rrugës, ndërkohë në vendin e dytë u pozicionua Izraeli me 4 pikë.
Surprizë është fakti se në këtë raund ka kaluar Izraeli, që dhe pse u mund në ndeshjen e fundit të grupeve siguroi biletën për gjysmëfinale për herë të parë në histori, pasi përfitoi edhe nga dështimi i Serbisë.
FAZA GJYSMËFINALE
Francë – Izrael
Angli – Itali