Kategoria Superiore

Goditja e Carës, Kukësi kërkon ndjesë dhe fton policinë të identifikojë autorin

Partizani triumfoi me rezultatin 1-2 ndaj Kukësit në transfertë, megjithatë më shumë se për lojën në fushë, ndeshja tërhoqi vëmendjen me një incident të rëndë në minutën e 14’ të saj.

Ishte momenti kur sulmuesi i të kuqve, Tedi Cara shënoi golin e avantazhit për kryeqytetasit, pro gjatë festimit u godit me shishe nga tribuna dhe pësoi të çara në fytyrë, aq sa u detyrua të lërë fushën e lojës i zëvendësuar nga Cvetanovic.

Goditja ishte shumë pranë syrit dhe rrezikoi t’i dëmtojë edhe shikimin sulmuesit kryeqytetas, teksa ky është një rast i përsëritur në Kategorinë Superiore këtë sezon, pasi që në javën e parë ishin po tifozët e Kukësit që goditën Taulant Seferin.

E nëse atëherë organet kompetente e kaluan ngjarjen me vetëm një gjobë 100 mijë lekëshe, tifozët nuk vunë mend dhe bënë të njëjtën gjë ndaj Carës, duke rrezikuar shëndetin e futbollistit.

Ndërkohë, klubi i Kukësit ka reaguar në faqen zyrtare, ku ka dënuar ashpër ngjarjen e ndodhur, i ka kërkuar zyrtarisht ndjesë sulmuesit Tedi Cara dhe ka ftuar policinë që të identifikojë dhe dënojë autorin.

-REAGIM-
FK Kukësi dënon ashpër ngjarjen e ndodhur sot në “Kukës Arena”, aty ku tifozët tonë goditën sulmuesin e Partizanit, Tedi Cara i cili pësoi dëmtim të konsiderueshëm në kokë. Klubi i Kukësit distancohet nga kjo ngjarje e turpshme e tifozerisë dhe i kërkon falje sulmuesit Cara dhe klubit të Partizanit e njëkohësisht i uron shërim të shpejtë lojtarit.
Futbolli është një sport për të bashkuar dhe në një qytet si Kukësi që karakteristikën kryesore ka mikëpritjen, sjellje të tilla nuk kanë hije.
Klubi i Kukësit i bën thirrje Policisë së Shtetit dhe autoriteteve kompetente duke iu ardhur në ndihmë me pamjet filmike të stadiumit që të japin dënimin sipas ligjeve për autorin e këtij incidenti.
Zyra për shtyp
Futboll Klub Kukësi

Kliko për të komentuar

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Të Fundit

EVENTET NË SUPERSPORT

To Top
Evolve Web Agency Evolve Web Agency