Tirana është afër firmës me Ardit Deliun. Mesfushori nga Kavaja ishte pjesë e Laçit në katër sezonet e fundit. 24-vjeçari u transferua më 17 qershor si lojtar i lirë te Liepaja.
Me ekipin letonez deri tani ka zhvilluar një ndeshje të plotë në Conference League dhe tetë sfida në kampionat, në një total prej 424 minutave aktivizim.
Drejtuesit e kampionëve të Shqipërisë po bisedojnë prej ditësh me mesfushorin. SuperSport mëson se palët janë drejt arritjes së akordit dhe pritet zyrtarizimi i rikthimit të lojtarit në Superiore.
Ky do të ishte afrimi i tetë i Tiranës në merkaton verore. Përveç Laçit dhe Liepaja-s, Deliu ka luajtur edhe në futbollin kroat me ekipet e RNK Split dhe Hajduk Split.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?