Pasi zyrtarizoi Sadat Pajazitin si trajner të ri pak ditë më parë, në orët e fundit klubi i Gjilanit ka bërë edhe dy goditje të rëndësishme në merkato. Bëhet fjalë për dy lojtarë që në sezonin e fundit u aktivizuan në Kategorinë Superiore, sulmuesin Brunild Pepa dhe mesfushorin Ansi Nika.
Nika ka qenë pjesë e Laçit në edicionin e fundit, ku është aktivizuar në 30 ndeshje, 29 prej të cilave si titullar, si dhe arriti që të shënonte dhe dy gola.Në anën tjetër sulmuesi Pepa ka dhënë kontributin e tij për skuadrone Lushnjes, ku arriti të shënonte 3 gola në 29 ndeshjet që u aktivizua.
Të dy janë lojtarë me shumë eksperiencë dhe mund ta ndihmojnë skuadrën e Gjilanit.Klubi gjilanas ka paralajmëruar të tjera lëvizje në ditët e ardhshme dhe nuk është aspak çudi që të vijojë përforcimet nga Superiorja.
