Arbër Zeneli shënon golin e tij të parë në Francë në ndeshjen e tij të katërt në Ligue 1. Ishte aktivizuar si zëvendësues ndaj Marseille, Toulouse dhe Rennes (dha asist), ndërsa në sfidën e parë në rolin e titullarit sulmuesi i përfaqësueses së Kosovës, e parë me fanellën e Reims, pikërisht ndaj Montpellie, në tranfertë, duke lënë shenjë në fitoren 2-4.
Zeneli realizoi me 11-metërsh në minutën e 47-të për avantazhin e përkohshëm 1-2, ndërsa kishte shërbyer edhe në rastin e golit të parë. Vendasit arritën të barazonin, por pësuan dy gola të tjerë gjatë pjesës së dytë.
Zeneli në këtë transfertë qëndroi në fushë deri në fund, duke i luajtur minutat të plota. Paraqitja e tij në këtë ndeshje tregoi se për pak javën 23-vjeçari jo vetëm ka mundur të integrohet me grupin, por po shndërrohet në një nga pikat më të forta të skuadrës. Kujtojmë se Reims shpenzoi rreth 4 milionë euro, që shkuan në arkat e Heerenveenit, për kartonin e Zenelit.