Pasditja e së dielës ishte e mrekullueshme për Momo Salah. Gol, fitore dhe dy rekorde, që e fusin edhe më shumë në historinë e Liverpoolit.
Sulmuesi egjiptian i dhuroi skuadrës së Jurgen Klopp suksesin ndaj Brentfordit, i gjashti radhazi në Premier League.
30-vjeçari, me 19 gola, është golashënuesi i katërt më i mirë në ishull gjatë këtij sezoni. Ndërkohë, ndaj Brentfordit realizoi golin numër 100 në “Anfield”.
Lexo edhe:
- VIDEO/ Theo realizon super gol, Milan triumfon ndaj Lazios
- Klubi i njohur italian rikthehet në Seria A pas një viti
- Stadiumi i ri në Vlorë, shpallet projekti fitues
- Bisedimet zhvillohen gjatë natës, Liverpool-Brighton marrëveshje parimore për argjentinasin
Jo vetëm kaq pasi Salah ka regjistruar një tjetër rekord të veçantë. Me realizimin e fundit ai u bë i pari lojtar në historinë e Liverpool që shënon në 9 takime radhazi në shtëpi në të gjitha garat.
“Faraoni” është pjesë e The Reds prej vitit 2017, kur u transferua nga Roma për 42 milionë euro. Kontrata me Liverpoolin i përfundon në vitin 2025.
.@MoSalah's 💯th goal at Anfield ❤️ pic.twitter.com/TfU6i3bO1A
— Liverpool FC (@LFC) May 6, 2023