Sulmuesi i Kombëtares Shqiptare, Rey Manaj ka gjetur golin e tij të parë me fanellën e Barcelonës B, teksa shënoi dhe kaloi në avantazh katalanët në minutën e 27’ të transfertës ndaj Prat.
Lushnjari, që iu bashkua Barcelonës B vetëm në ditët e fundit të merkatos së janarit, shënoi edhe në ndeshjen debutuese, por atëherë goli iu anulua për pozicion jashtë loje.
Megjithatë Manaj nuk mund të festojë plotësisht në sfidën e sotme, pasi në minutat shtesë të pjesës së parë u ndëshkua edhe me kartonin e dytë të verdhë, dhe la skuadrën katalane me 10 futbollistë për gjysmën e ndeshjes.
Për kronikë, Barcelona B triumfoi 1-2, teksa pas barazimit Raillo në të 77-ën, ishte Konrad që shënoi golin e fitores në minutat shtesë të takimit. Barcelona B renditet përkohësisht në vendin e dytë me tre pikë më pak sesa Sabadelli kryesues.