Janë mbyllur në mesditën e sotme votimet për golin më të bukur të kampionatit italian të futbollit, në sezonin 2017-2018, ndërsa kanë dalë edhe 5 kandidatët që mund të shpallen fitues.
Kështu nga më tepër se 42 mijë vota, rreth 35 mijë prej tyre shkuan për golat e Susos, Pandevit, Zapatës, Icardit dhe surprizës Alesandro Brignolit, ndërsa fituesi do të shpallet në mbrëmjen gala të futbollit italian.
Portieri i Beneventos shënoi me kokë në minutat shtesë të ndeshjes me Milanin, duke u hequr kuqezinjve fitoren nga dora dhe duke i dhënë skuadrës së tij pikën e parë në kampionat, në sezonin e kaluar.