Përvojë e hidhur për Khvicha Kvaratskhelia, futbollist i Napolit. 21-vjeçarit i kanë hyrë në banesë, në Cuma, pranë Napolit, duke vjedhur një makinë Mini Countryman. Vetë futbollisti, në momentin kur ndodhi ngjarje, ishte në banesë, por nuk kuptoi asgjë nga ajo që po ndodhte. Fatmirësisht, përveç dëmit material, nuk ka pasur pasoja të tjera.
Talenti gjeorgjian, siç raporton sot “Corriere dello Sport”, e ka denoncuar ngjarjen në komisariatin e Pozzuolit. Sot, sulmuesi e ka vijuar rregullisht stërvitjen me pjesën tjetër të skuadrës.
