Gregg Popovich theu rekordin e fitoreve të sezonit të rregullt të karrierës në NBA për një trajner, pasi San Antonio Spurs mundi Utah Jazz 104-102. Ky ishte Triumfi i 1336-të në karrierën e Popovichit, që lë pas për numrin e përgjithshëm të fitoreve legjendën e NBA-së, Don Nelson.
73-vjeçari, i cili ka udhëhequr Spurs në pesë tituj të NBA, tha se rekordi ishte “testament për shumë njerëz”: “Basketbolli është një sport ekipor. Të gjithë ne ndajmë këtë rekord. Nuk është imi, është yni.”
Popovich, i cili punoi nën drejtimin e trajnerit të Hall of Fame, Nelson, te Golden State, tri dekada më parë, pa se se si Spurs-at rikuperuan 15 pikë në periodën e fundit, për të siguruar një fitore rekord për trajnerin legjendar.
Në një video të postuar nga Golden State Warriors në rrjetet sociale, Nelson e uroi Popovichin për thyerjen e rekordit të vjetër.
“Thjesht doja t’ju tregoja se sa krenar jam për të gjitha arritjet tuaja dhe gjërat e mrekullueshme që keni bërë për basketbollin në mbarë botën,” – tha Nelson.
The all-time winningest coach in NBA history.
Congrats on No. 1336, Coach Pop! pic.twitter.com/RbuZxrkEWp
— San Antonio Spurs (@spurs) March 12, 2022
