Sulmuesi i Atleticos ka pranuar të shprehet për mediat franceze përpara Botërorit, ku përveçse iu përgjigj pyetjeve lidhur me kompeticionin më të rëndësishëm të vitit, që do të startojë pas pak ditësh, u ndal të fliste dhe për të ardhmen e tij të shumëpërfolur.
‘’E ardhmja ime do të vendoset përpara ndeshjes Francë-Australi. Kjo është dëshira ime’’.
Griezmann, përpara se t’i bashkohej Francës u shpreh qartë se dëshiron të vazhdojë me fanellën e Atleticos edhe për disa sezone të tjera, këtë dëshirë të sulmuesit e dinë mjaft mirë dhe drejtuesit e “Los Colchoneros”. Mediat theksojnë se momentalisht ka më shumë mundësi që Griemzann të qëndrojë te “Los Colchoneros” sesa të transferohet te Barcelona. Klauzola e sulmuesit pas datës 1 qershor ka kaluar nga 200 milionë euro në 100 milionë, kjo si një kërkesë e lojtarit në kontratën e firmosur muaj më parë me Atleticon. Katalanët janë të shqetësuar dhe dyshojnë se Griezmann i ka përdorur vetëm si kërcënim ndaj Atleticos për të arritur një kontratë më të mirë ekonomikisht.