“Ylli” francez i Atleticos së Madridit, Anotoine Griezmann ka refuzuar “Djajtë e Kuq” të Jose Mourinohs, duke qenë i gatshëm të pranojë ofrtën prej 88 milionë paundësh të Barcelonës. Siç raporton e përditshmja britanike “The Sun”, 27-vjeçari ishte një prej objektivave kryesorë që portugezi Mourinho kishte projektuar për merkaton e verës, me qëllim ndërtimin e një organike të frikshme për edicionin e ardhshëm, por, pavarësisht joshjes që Manchester United tentoi me Griezmann si dhe ndikimit të mikut të tij, Paul Pogba, ekipi anglez i Premier Leagues nuk ia ka dalë ta bindë sulmuesin, që është gati të zgjedhë Barcelonën.
Ky mund të jetë sezoni i fundit për Griezmann te skuadra e Diego Simeones, ekip më të cilin ka shënuar plot 23 gola në 38 ndeshje për këtë sezon. Prej kohësh Barcelona e admiron potencialin e 27-vjeçarit, edhe pse reparti i avancuar i “blaugranave” është i blinduar me Lionel Messin, Luis Suarezin, Ousmane Dembele apo Philippe Coutinho. Atletico klasifikohet ekipi i dytë në La Liga, pas Barcelonës, ndërkohë që “ylli” i saj Griezmann gëzon një reputacion si një ndër talentet më emocionues në kampionatet europiane.
