Futbolli është një sport sa i bukur dhe i vështirë, madje edhe i rrezikshëm në raste të veçanta për shëndetin e futbollistëve.
E pëson keq gjatë një dyluftimi ajror mbrojtësi i Atleticos së Madridit, urguajani Diego Godin, në sfidën që skuadra e Simeones e fitoi minimalisht ndaj Valencias.
Gardiani i Valencias, Neto, në përpjekje për të shmangur rrezikun, godet fytyrën e kapitenit të “Los Colchoneros”, i cili nga kontakti i ashpër dëmtoi tre dhëmbë. Një i fluturoi nga goja ndërsa dy të tjerë u thyen. Episodi i pakëndshëm ndodhi në minutën e 48-të, ndërsa tre minuta më pas Godin u zëvendësua nga Juan Fran.