Merr fund pritja për Fredy Guarin. Mesfushori kolumbian më në fund gjen ekip të rid he do të riniset në Brazil me Vasco Da Gaman pas mbylljes së aventurës në kampionatin kinez me Shanghai Shenhua. 33-vjeçari ishte pranë rikthimit edhe në Itali ku e kërkonin Brescia e Atalanta por negociatat nuk u finalizuan ndërsa tani firmosi për 3 muaj me ekipin e ri. Marrëveshja mes palëve vlen deri në fund të kampionatit aktual ku Vasco Da Gama synon të kualifikohet të paktën në Copa Sudamericana ndërsa aktualisht është në vendin e 13 në renditje në kampionat. Në këtë aventurë të re Guarin i cili ishte në bisedime edhe Palmeiras por nuk arriti një marrëveshje do të mbajë veshur fanellën me numër 13.