Rifillimi i Bundesligës, duke qenë se është dhe i vetmi kampionat nga 5 ligat kryesore që po luhet aktualisht, ka patur audiencë maksimale. Një prej këtyre sfidave ishte dhe derbit i Ruhrit, Borussia Dortmund-Schalke 04, takim i fituar në shifrat 4-0 nga ana verdhezinjve.
Në këtë sfidë sigurisht një vëmendje të veçantë ka patur edhe Erling Haaland, i cili u shfaq edhe si protagonist në këtë takim duke gjetur rrugën e rrjetës. Kaq ka mjaftuar që presidenti i Realit të Madridit, Florentino Perez ta rikthejë sërish vëmendjen ndaj sulmuesit.
Për këtë të fundit kreu i klubit madrilen ka patur një bisede telefonike me drejtorin ekzekutiv të verdhezinjve, Joachim Watzke. Një gjë të tillë e zbulon vetë Watzke, i cili është shprehur sa ka patur mesazhe të shumta që komplimentonin skuadrën për paraqitjen e bërë pas një ndalesë të gjatë, nga personazhe si Jurgen Kloop dhe Florentino Perez.
Drejtori Ekzekutiv i Dortmundit dhe kreu i madrilenëve kanë një raport shumë miqësore mes tyre, ndërkohë që siç vete Watzke e pohon, Perez e ka parë më me vëmendje sfidën, ndërsa mediat në Gjermani aludojnë se në këtë bashkëbisedim mes tyre është folur në veçanti për Haaland, edhe pse një gjë e tillë është mohuar nga ana e drejtuesi i verdhezinjve.