Tenis

Halep “mbretëresha” e Roland Garros, triumfi i parë në një turne Slam

Asnjë surprizë. Ashtu siç parashikohej Simona Halep triumfon në Roland Garros duke përmbushur të gjitha pritshmëritë. Në finale tenistja rumune dhe njëkohësisht favoritja numër 1 për t’i shkuar deri në fund grand-slamit francez mposhti 2-1 me përmbysje amerikanen Sloane Stephens duke bërë të vetin trofeun e French Open. Halep bën kështu realitet ëndrrën e saj për të fituar një turne Slam, pas 3 finaleve të humbura në Roland Garros dhe një në Australian Open. Edhe pse aktualisht është numri 1 i botës në tenisin femëror 26-vjeçarja nga Constanta deri para finales ndaj Sloans në French Open nuk kishte fituar asnjë turne grand-slam në karrierë. 3-6 6-4 6-1 në favor Halep ishte rezultati i sfidës që rikuperoi një set dhe një game me break, një humbje e pritshme kjo për Sloans që pavarsisht disfatës nga kjo e hënë do të jetë numri 4 në botë.

To Top