I kënaqur me merkaton e Kukësit. Afrimet e emrave të tillë si Elis Bakaj, Rauf Aliyev, Siraj Naser apo Hair Zeqiri nuk kanë bërë shumë bujë, për shkak se kampionët gjatë kësaj vere kanë humbur lojtarë të rëndësishëm, si Pejic, Emini e Karioka. Megjithatë nga Ohri ku Kukësi po vazhdon fazën përgatitore për sezonin e ri, shefi i klubit Jonuz Hallaci e vlerëson me një notë shumë të lartë merkaton e verilindorëve.
Te Kukësi u krijuan shumë problematika për cështjen e kontratave me lojtarë të ndryshëm, por tashmë gjithcka është zgjidhur dhe të gjithë janë të lumtur.
Rikonstruksioni i stadiumit Zeqir Ymeri, mbetet një cështje e nxehtë në shtëpinë e Kukësit, për vetë faktin se impianti ka nevojë urgjente për rregullime, duke filluar që nga tapeti i gjelbërt i cili duhet ndërruar sa më shpejt. Jonuz Hallaci zbulon se presidenti Gjici ka nisur nga puna në mënyrë që stadiumi ti nënshtrohet rinkonstruksionit, duke shtuar se për Kukësin nuk do të ishte aspak problem që 3 apo 4 ndeshjet e para të këtij sezoni si skuadër pritëse ti luante në fushë asnjanëse.
