Mercedes nuk ndalet as në provat e lira të Çmimit të Madh të Rusisë, ndalesa e 16-të sezonale në Botërorin e Formula 1. Me kohën 1 minutë 33 sekonda e 385 të mijtat, Hamilton mbajti pas shpatullave të tij shokun e skuadrës Valteri Bottas që ishte rreth 2 të dhjetat e sekondës më i ngadaltë.
Jo mirë dy pilotët e Ferrarit për të mos thënë keq. Në sesionin e dytë të provave të lira në Sochi, Vettel dhe Raikkonen ndanë mes tyre vendin e 5-të dhe të 6-të, ndërsa përpara tyre u rreshtuan dy pilotët e Red Bull Max Verstappen dhe Daniel Ricciardo.
Nesër do të zhvillohen provat zyrtare dhe këtë herë Vettel duhet të bëjë më të mirën, për të mos humbur terren ndaj kampionit në fuqi të botës, në renditjen e përgjithshme për pilotë.
