As Thomas Doll nuk nxjerr dot nga kriza Hannover 96. Me ish trajnerin e Dortmundit në krye Hannover pësoi humbjen e 3-të për vitin në po kaq takime pasi u mposht në shtëpi me rezultatin e thellë 0-3 nga Leipzig. Një fitore e rëndësishme kjo për ekipin e Ralf Ragnick që u ngjit në kuotën e 37 pikëve duke blinduar për momentin vendin e 4-t. Golat për Leipzig u realizuan nga Halstenberg me penallti dhe qëndërmbrojtësi Orban që realizoi dy herë. Hannover 96 në krahun tjetër vazhdon të pozicionohet në vendin e parafundit në kuotën e 11 pikëve por mund të rrëshkasë në vendin e fundit nëse Nuremberg merr pikë ndaj Werder Bremen këtë javë.
