Gardiani Romeo Harizaj vijon të shfaqet si protagonist te Apolonia, pasi edhe sot i mohoi disa gola të sigurt Laçit dhe u dha shansin fierakëve të marrin një pikë me mjaft vlera në transfertën kurbinase.
Në përfundim të ndeshjes, Harizaj u ndal edhe për mikrofonin e “Gol pas Goli” në SuperSport, ku tha se është i lumtur me formën që po kalon dhe se skuadra do të provojë deri në fund të mbijetojë në elitë.
“Jemi në një formë të mirë dhe po marrim edhe rezultate. Në tre javët e fundit jemi përballur me tre skuadra shumë të forta dhe kemi marrë tre barazime. Më vjen mirë që po bëj mirë, pasi skuadra ka nevojë për të gjithë, edhe për pritjet e mia. Shpresoj që të arrijmë objektivin tonë, që është mbijetesa[‘, tha gardiani fierak.