Hasan Lika optimist para përballjes me Lushnjën në Gjirokastër. Trajneri “bluzi” kërkon që loja e mirë e skuadrës të reflektohet edhe në rezultate, aq me tepër përballë një rivali direkt për mbijetesë, ku pikët marrin vlerë të dyfishtë.
Cdo ndeshje e kemi luajtur me dëshirë për të marrë rezultate pozitive. Shpresojmë që loja e mirë e ekipit të jetë baza për ecurinë e mëtejshme. Kemi krijuar raste, por sigurisht që shënimi i golit na ka kushtuar, ashtu si edhe golat që kemi marrë për meritë të kundërshtarit apo edhe prej gabimeve tona. Kemi punuar në këtë drejtim.
Lika kërkon të mbajë të karikuar skuadrën, duke theksuar se mund të mposhtë cdo kundërshtar, por duhet angazhim maksimal për të marrë rezultatin e duhur.
Ne gjithmonë luajmë për të fituar. Ndeshjet që ka zhvilluar Luftëtari i ka luajtur për të marrë rezultate pozitive. E kam thënë edhe më përpara që jemi të aftë të fitojmë përballë gjithkujt. Skuadra ka nevojë për përmirësime dhe jo të ndryshojë. Duhet të jemi njësoj të angazhuar me të gjithë kundërshtarët, jo vetëm përballë skuadrave më të forta apo që kanë pozita më të mira në renditje.
