Edon Hasani u zgjodh lojtari më i mirë i takimit Kastrioti-Tirana. Mesfushori i ekipit krutan foli pas fitores 2-1 për “Gol pas Goli” në Supersport, duke theksuar se ai dhe shokët e tij do të luftojnë deri në fund për të siguruar objektivin mbijetesë.
“Ardhja e stafit të ri ka ndryshuar çdo gjë. Ne e kemi treguar vetën, sidomos në fushën tonë. Jemi shumë të fortë. Jemi me këmbë në tokë, nuk ka entuziazëm. Një humbje në Rrogozhinë do na kthente atje ku ishim, kështu që do tentojmë maksimumin edhe atje.
Luhatjet e Kastriotit? Kemi fituar tre ndeshje këtu, kemi dalë barazim me Partizanin. Ndaj Kukësit luajtëm shumë mirë deri te goli, nuk kishim as ekuilibër, Kukësi na goditi. E kaluam shumë shpejt, kemi lojtarë me eksperiencë dhe sot morëm tre pikët. Pikët kanë më shumë rëndësi se sa loja.
Unë do përshtatem me fizionominë e trajnerit dhe Kastriotit. Jemi kockë e fortë, në fushën tonë duhet të marrim maksimumin, ndërsa jashtë ka rëndësi të mos humbim. Shpresojmë të shpëtojmë”, deklaroi lojtari shkodran.
[quiz-cat id=”288388″]