Rubin Hebaj gjen golin e parë në kampionatin slloven me fanellën e Domzales, skuadër ku u transferua gjatë merkatos së verës pasi u afirmua te skuadra e parë e Vllaznisë. I aktivizuar në pjesën e dytë 19-vjecari realizoi me kokë golin e avantazhit të përkohshëm të Domzales në fushën e Krsko në ndeshjen që i përkiste javës së 7-të të kampionatit, duke e i cuar shifrat në 1-2.
Gjithsesi skuadra e talentit shkodran nuk mundi të merrte pikë në këtë transfertë, pasi pësoi tre gola të njëpasnjëshëm, duke seleksionuar humbjen e dytë në kampionat. Me 2 fitore dhe tre barazimet e arritura në 5 takimet e tjera, Domzale renditet në vendin e 6-të, në kuotën e 9 pikëve.
Hebaj ndaj Krskos regjistroi ndeshjen e tretë në Ligën e Parë të Sllovenisë, teksa më parë ka luajtur po si zëvendësues në barazimin 0-0 me Mariborin dhe në fitoren 1-3 në fushën e Ankaran Hrvatinin .
