Ndizet sërish gara për titullin kampion në Eredivisie, pas humbjes së papritur të Ajaxit të Amsterdamit dhe fitores se Az Alkmaarit, mes diferencën mes dy kryesuesve të kampionatit që ngushtohet në vetëm tri pikë.
Befasia vjen nga stadiumi “Erve Asito” në Almelo, ku vendasit e Heracles fituan 1-0 me “harkëtarët” me gol të Dessers në minutën e 77-të. Kuptohet qartë se Ajaxi po kalon një moment të keq, pasi kjo humbje vjen vetëm pak ditë pas disfatës me Getafen (2-0) në Europa League.
Nga ana tjetër, Alkmaari nuk u vuri në dyshim suksesin me Zwollen, që e mposhti 2-0 me gola të shënuar me 11-metërsh nga Koopmeiners. I njëjti futbollist humbi një penallti në pjesën e parë, duke korrigjuar më pas shënjestrën.