Atletico Madrid dhe Athletic Bilbao kanë shfaqur interes për mesfushorin e Manchester United, Ander Herrera, kontrata e të cilit përfundon në muajin qershor të vitit të ardhshëm. Edhe pse së fundmi është folur se “Djajtë” i kanë ofruar rinovimin 29-vjeçarit, për momentin mes palëve nuk kanë nisur bisedimet, çka do të thotë se duke nisur që nga muaji janar, përfaqësuesit e mesfushorit mund të kontaktojnë me një klub tjetër, e më pas nëse arrihet një akord, në qershor ai mund të largohet me parametra zero. Herrera u bashkua me Manchester United në vitin 2014, pikërisht nga Athletic Bilbao, ndërsa ai ka bërë 169 paraqitje me anglezët, duke shënuar 17 gola.
