Bayerni i Mynihut u ndal në barazim 0-0 në shtëpi, ndaj Herthës së Berlinit, në sfidën e javës së 24-t të Bundesligës. Bavarezët e Heynckesit dominuan sfidën dhe krijuan disa mundësi shënimi, por nuk arritën të dërgojnë topin në rrjetë gjatë gjithë 90-minutëshit.
Gjithsesi, Bayerni vijon të kryesojë me 60 pikë dhe momentalisht ka 20 pikë distancë nga Dortmundi ndjekës, teksa titulli kampion duket se nuk mund të vihet më në rrezik.
Borusia Munchengladbah, pasi humbi javën e kaluar në shtëpi ndaj Dortmundit, u rikthye te fitorja, në transfertën ndaj Hanoverit, ku triumfoi 0-1.
Me po të njëjtin rezultat arriti të triumfojë në shtëpi edhe Sttutgarti, ndaj Eintracht Frankfurtit, ndërsa Fraiburgu i Amir Abrashit mori një pikë të vlefshme në transfertën ndaj Hoffenhaimit, që u mbyll në barazim 1-1.
