Është hedhur gjatë ditës së sotme shorti për fazën çerekfinale të Digitalb Kupës së Kosovës, në ambientet e Federatës së futbollit në Prishtinë.
Kështu sfida më interesante do të jetë ajo mes Prishtinës dhe Trepçës 89’, ndërsa Feronikeli ka rënë përballë Ferizajt dhe Drita do të përballet me gjakovarët e Vëllaznimit. Çifti i fundit do të jetë ai mes Kikës dhe Ballkanit.
Kujtojmë që faza e 1/8-ave u zhvillua fundjavën që lamë pas, ndërsa sfidat e fazës çerekfinale do të zhvillohen më datën 9 Shkurt të vitit të ardhshëm.