Dëshira e madhe për t’u hakmarrë u shndërrua në një shaka të hidhur për Gonzalo Higuain. Sulmuesi i Milanit gaboi 11-metërshin e fituar nga vetë ai, ndërsa në minutën e 83-të u ndëshkuar me kartonin të kuq për protesta ndaj gjyqtarit Mazzoleni. Një karton i kuq që e bëri të shpërthente “El Pipitan”, i cili u shoqërua mes lotësh nga shokët e tij të skuadrës jashtë fushës. Në përfundim të sfidës, Gattuso dha se Higuain duhet t’i kërkonte falje gjyqtarit për atë veprim të pakontrolluar.
“Gabova dhe marr përgjegjësitë për veprimet e mia. U kërkoj falje të gjithëve, edhe shokëve të skuadrës, trajnerit dhe tifozëve. Më vjen keq për reagimin, por edhe gjyqtarët në të tilla momente duhet t’i kuptojnë situatat. Jemi futbollistë, por mbi të gjitha jemi njerëz.”
Fjalë të sinqerta këto të sulmuesit argjentinas, që rrezikon të paktën dy ndeshje pezullim.
“Ishte ndërhyrje e gabuar e Benatias, por Mazzoleni e dha në favor të Juventusit, madje duke më nzjerrë kartonin e verdhë. Me pas reagova dhe mora të kuqin. E përsëris, kërkoj falje, por kur luan kundër ish-skuadrës tënde, emocionet janë të mëdha, që gjithsesi nuk janë justifikim. Jam një futbollist dhe njeri emotiv, ndonjëherë e kam të vështirë ta kontrolloj veten. Ne jemi shembuj për fëmijët, por nuk jemi robotë. Sjellja ime, gjithsesi, nuk ishte e drejtë.”