Hije trukimesh në Superligën e Kosovës. Juridiksioni i Specializuar Ndër-rajonal (JIRS) në Nancy ka raportuar për të paktën katër ndeshje të trukuara, që u kanë sjellë fitime të shumta bastexhinjve në Kosovë e Francë.
Në një komunikatë për mediat nga ana e JIRS, thuhet se prej gati një viti po hetohet për të gjetur fakte të korrupsionit sportiv dhe mashtrimit të organizuar në grup, në lidhje me një klub të elitës së futbollit të Kosovës.
Emri i klubit nuk bëhet i ditur, por analiza e koeficientëve dhe videove të ndeshjeve, ka bërë të mundur konfirmimin e manipulimit të rezultateve në të paktën katër prej tyre.
Lexo edhe:
- 20 gola në Champions, Mahrez bëhet i pesti afrikan që shkruan historinë
- “Një vendim të cilin e marr me zemër”, mbrojtësi tërhiqet nga kombëtarja
- FOTO/ “Loja nuk mbaron kurrë”, fanella e katërt e Milan më shumë se spektakolare!
- Arsenal i jep besim dhe vlerësim Xhakës, londinezët përpilojnë kontratën e re
Hetimi bëri të mundur zbulimin e një rrethi të gjerë familjar, të vendosur si në Francë ashtu edhe në Kosovë. Ata bashkëpunonin në manipulimin e ndeshjeve, me qëllim përfitimin nga bastet.
Nga katër takimet, të cilat referohen si të trukuara, grupimi në fjalë besohet se ka fituar më shumë se 360 mijë euro. Plot 9 persona janë arrestuar dhe për katër prej tyre janë ngritur akuza për mashtrim të organizuar dhe krijim bande kriminale.
Natyrisht bëhet fjalë për një lajm mjaft të rëndë, që mund të shndërrohet në një skandal në futbollin e Kosovës. Sidomos nëse zbulohet emri i klubit.
