Ardit Hila ishte një nga më të mirët në fushë për Partizanin në fitoren ndaj ish-skuadrës së tij Teutës, duke kthyer në gol edhe 11-metërshin e akorduar nga gjyqtari. Një rikthim me gol nga dëmtimi nuk e priste as vetë mesfushori.
Prisnit që të riktheheshit me gol ndaj ish-skuadrës?
E prisja të rikthehesha sa më i fortë, por me gol, nuk e kisha menduar, sidomos ndaj Teutës. Edhe humbja e Kukësit, na motivoi më shumë. Tani jemi +9, dhe më të qetë.
E kishit përcaktuar që do e godisje ti penalltinë?
Janë caktuar që do e godasin Telushi dhe Asani. Unë di që do e godiste Asani, por unë kisha një dedikim për djalin tim, 4-muajsh, dhe nuk kishin si të refuzonin.
Festuat pas golit ndaj ish-skuadrës…
E kisha thënë fazën e parë, se nëse do shënoja ndaj Teutës, nuk do festoja. Por, pas dëmtimit, nuk e mbajta dot veten, dhe festova.
Çfarë ka ndryshuar te ju tani që jeni për titull me Partizanin?
Tek Partizani objektivat janë gjithmonë të mëdha, ndërsa te Teuta vjet, e nisëm mirë, por në fund arritëm objektivin për të qëndruar në Superiore. Nuk e di, pse ndodhi ajo situatë vjet.
Çfarë u tha në dhomat e zhveshjeve?
Normalisht, të gjithë ishin të gëzuar, sepse fituam me vendin e tretë, deri diku rival i joni. Por, me këmbë në tokë. Kemi ndeshjen me Kukësin, që e vlerësojmë shumë.
