Manchester City nuk është në momentin më të mirë të sezonit teksa barazimi në Premier League kundër Nottingham Forest dhe në Champions League ndaj Leipzig, kanë lënë një shije të hidhur në radhët e The Citizens.
Së fundmi, legjenda e Manchester United, Rio Ferdinand beson se mungesa e vazhdimësisë tek City vjen prej ndryshimeve të shumta që trajneri Pep Guardiola bën në mbrojtje. Ndryshimet e shpeshta të skemës, por edhe emrave të përveçëm në repartin difensiv janë sipas Ferdinand problemet e vërteta të Cityt në këtë sezon.
“Të gjithë skuadrat që kanë pasur sukses në vitet e fundit kanë pasur vazhdueshmëri në mbrojtje. Për momentin te City diçka e tillë nuk po ndodh, ata ndryshojnë çdo javë. Ndoshta prej problemeve me dëmtimet, por unë shoh që kjo vjen edhe prej zgjedhjeve të Guardiolës.
Historia tregon se një skuadër ka nevojë që në mbrojtje të luajnë të njëjtët lojtar. Mendoj se duhet të ndryshojnë sjellje nëse kërkojnë të fitojnë”, u shpreh Ferdinand.
