Connect with us

Hi, what are you looking for?

Futboll

Historik kualifikimi ndaj Kastriotit, askush si Flamurtari në Kupën e Shqipërisë

Sot u mësuan shtatë skuadrat çerekfinaliste të Kupës së Shqipërisë, teksa derbi i nesërm midis Tiranës dhe Dinamos (e enjte, 19:45), me “Blutë” e Shkëmbit që kanë fituar 2-0 ndeshjen e parë, do të përcaktojë edhe ekipin e fundit.

Surpriza e madhe quhet Flamurtari, që eliminoi Kastriotin e Superiores. Kuqezinjtë, një nga ekipet më të lavdishme të futbollit shqiptar, po kalojnë vite të errëta dhe garojnë në Kategorinë e Dytë.

Gjithsesi, sot Flamurtari fitoi 2-4 në transfertë ndaj ekipit krutan (1-1 ndeshja e parë) dhe siguroi një kualifikim fantastik në çerekfinalet e turneut të dytë më të rëndësishëm të futbollit në vend.

Diamanti (2x), Pjeshka dhe Ribaj realizuan golat e një triumfi historik, pasi vlonjatët bëhen e para skuadër e Kategorisë së Dytë në histori që kualifikohet në çerekfinalet e Kupës së Shqipërisë.

Flamurtari do të sfidojë Vllazninë për një biletë në gjysmëfinale, aty ku nuk ka asgjë për të humbur dhe do të tentojë mrekullinë e radhës.

Skuadra bregdetare ndan vendin e parë në grupin B të Kategorisë së Dytë bashkë me Devollin dhe objektivi primar sezonal është rikthimi i menjëhershëm në Kategorinë e Parë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...