Pas fitores 0-1 ndaj Kastriotit, ndihmësi i Renato Arapit te Teuta, Bledar Hodo foli në emisionin Gol Pas Goli në Supersport ku theksoi se skuadra tregoi dëshirë në fushë për të marrë maksiumin dhe në ndeshjet e radhës duhet të përsërisin të njëjtën paraqitje për të tentuar pse jo edhe kualifikimin në Kupat e Europës.
“Bëmë një ndeshje të mirë, treguan forcë karakteri dhe vetëm me këtë mënyrë loje mund të dalësh me rezultat pozitiv. Çunat dhanë maksimumin dhe dua t’i përgëzoj. Jemi marrë shumë me mbrojtjen në këtë periudhë, shpresoj të mos pësojmë më”.
Keni më shanse për Europë? “Kemi ndeshje të rëndësishme, kemi përballë Laçin dhe çunat duhet të tregojnë të njëjtën dëshirë”, u shpreh Hodo.
