Java e 17 e Bundesligës nisi me sfidën mes Hoffenhaimit dhe Borussias së Dortmundit, ku vendasit befasuan verdhezinjtë, duke i mposhtur me përmbysje me rezultatin 2-1.
Të besuarit e Favre e nisën mirë takimin dhe arritën të kalojnë në avantazh në minutën e 17’ me anë të fantazistit gjerman Mario Goetze, ndërsa ky rezultat mbeti i pandryshuar deri në 10 minuta para fundit.
Kjo pasi finalja e ndeshjes ishte e hidhur për verdhezinjtë, sepse fillimisht Adamyan dhe më pas Kramaric, shënuan dy herë në portën e Burkit, duke përmbysur rezultatin.
Kjo humbje komplikon pozitat e Borussias së Dortmundit në rrugën drejt titullit kampion, pasi rrezikon që kryesuesit t’i shkëputen me 7 pikë, nëse bëjnë detyrën duke marrë maksimumin nesër.
