Ende pa u mbyllur merkatoja e janarit, Hoffenhaim ka nisur të mendojë për sezonin tjetër, pasi ka kompletuar blerjen e mesfushorit Finn Ole Becker, i cili është pjesë e skuadrës së St. Paulit dhe do t’i bashkohet klubit të Bundesligës vetëm në muajin qershor.
Lajmin e ka bërë të ditur vetë klubi i Hoffenhaim, që zbulon se ka komnpletuar transferimin e mesfushorit 21-vjeçar, që këtë sezon po bën mjaft mirë në Bundesligën 2 dhe shihet si një element mjaft me perspektivë.
Finn Ole Becker ka firmosur një kontratë 4-vjeçare me Hoffenhamim, ndërsa vlen të theksohet se mesfushori vjen si lojtar i lirë, pasi në verë i përfundon kontrata me St. Paulin dhe klubi nga Hamburgu do të përfitojë vetëm një shpërblim për rritjen e tij.