Hofenheimi arriti të merrte kualifikimin për në raundin tjetër të Kupës së Gjermanisë, duke mundur me rezultatin e thellë 5-1 Schalken, që zhytet akoma dhe më tepër në krizë. Humbja e pestë për “minatorët”, të cilët u mundën për të dytën herë nga Hoffenheimi në harkun kohor të pesë ditëve. Dabbur zhbllokoi rezultatin që në fillimin e ndeshjes, duke i bërë gjërat tepër të thjeshta, ndërsa pas vetëm çerek ore lojë spanjolli Angelino dyfishoi rezultatin.
Pa u mbyllur pjesa e parë, ishte përsëri Dabbur ai i cili shënoi golin e dytë personal dhe të tretin për vendasit, duke mbyllur praktikisht çdo llogari. Në pjesën e dytë Kabak shënoi golin e katërt, por nuk festoi në shenjë respekti ndaj ish-skuadrës së tij. Kishte vend dhe për një gol të Kaderabek, me çekun i cili vetëm pak minuta pasi hyri në fushën e lojës realizoi golin e pestë.
Drexler shënoi golin e vetëm për Shchalke që i shërben për statistikë. Hoffenheimi arrin të kalojë në fazën tjetër, ndërsa Schalke tani duhet të përqendrohet vetëm tek kampionati, ku ka harruar shijen e fitores.
