Pellegrino Matarazzo është trajneri më i ri i Hoffenheimit. 45-vjeçari zëvëndëson André Breitenreiter, i cili u largua pas humbjes së fundit në Bundesligë, përballë Bochumit, me rezultatin 5-2.
Matarazzo ka firmosur deri në qershorin e vitit 2025 me skuadrën gjermanë. Në fakt, bëhet fjalë për një rikthim, pasi amerikani ka qenë pjesë e Hoffenheimit në sezonin 2018-2019 në rolin e zëvendëstrajnerit.
45-vjeçari hoqi dorë nga ky rol në dhjetor 2019, pasi mori drejtimin e Stuttgartit, ku qëndroi në 100 ndeshje. Matarazzo me Stuttgartit triumfoi në 31 ndeshje, pësoi 40 humbje dhe mori 29 barazime.
Detyra e tij do të jetë shumë e vështirë me Hoffenheimin, pasi do të ketë si objektiv të rikthej skuadrën te rezultatet pozitive. Hoffenheim nuk ka fituar asnjë ndeshje në vitin 2023 në Bundesligë, teksa sfida e radhës do të jetë në shtëpi përballë Bayer Leverkusenit.
Aktualisht, Hoffenheimi ndodhet në vendin e 14-të të renditjes me 19 pikë, sa Bochumi.
“Die #TSG steht für einen offensiven, mutigen und frischen Fußball. Ich möchte mit der Mannschaft schnell wieder den Fußball spielen, der sie seit vielen Jahren auszeichnet und den sie in dieser Saison auch schon eindrucksvoll auf den Platz gebracht hat.” https://t.co/7o9K184436 pic.twitter.com/d9mmBNYkfX
— TSG Hoffenheim (@tsghoffenheim) February 8, 2023
