Connect with us

Hi, what are you looking for?

Nations League

Holanda është rikthyer! Kampionët e Botës “të vegjël” në Roterdam

Holanda është rikthyer dhe këtë mund ta dëshmojnë më së miri kampionët në fuqi të botës, që dolën kokë-ulur nga transferta e Roterdamit, në një takim ku përveç humbjes minimale, vuajtën jashtëzakonisht edhe lojën e vendasve.

“Tulipanët” morën kontrollin e lojës që në fillim dhe e zhvendosën lojën gradualisht në gjysmëfushën franceze, duke gjetur edhe golin e avantazhit në minutën e 44-t, me anë të mesfushorit të Liverpoolit Wijnaldum.

Më pas pjesa e dytë ishte një dialog i vazhdueshëm mes sulmuesve të Holandës dhe portierit francez Hugo Lloris, që në të paktën 3-4 raste shpëtoi kampionët e botës nga pësimi i golit të dytë.

Nga ana tjetër, yjet e Francës u panë të izoluar në gjysmëfushën holandeze, duke humbur thuajse gjithmonë duelet me fanellat portokalli dhe duke mos kërcënuar asnjëherë seriozisht portën e Cillesen.

Kur dukej se gjithçka kishte përfunduar, në minutën e fundit shtesë Holanda fitoi një 11-metërsh, të cilën e mori përsipër ta ekzekutojë Memphis Depay. Sulmuesi i Lyon arriti të dërgojë topin në rrjetë për herë të dytë, falë një gjuajtjeje “alla-Panenka”, që mposhti portierin Lloris.

Tashmë Holanda do të luajë pas 3 ditësh në transfertën ndaj Gjermanisë, ku i duhet të paktën një barazim për të siguruar vendin e parë në grup, ndërsa Franca që aktualisht është në krye, e ka mbyllur aventurën në Ligën e Kombeve dhe shpreson që Gjermania t’i bëjë nder për të mbetur e para.

Vlen të theksohet se me fitoren sot të Holandës, Gjermania ka rënë matematikisht në Ligën B të këtij kompeticioni, ndërsa të hënën në mbrëmje do të ketë mundësi të “hakmerret’ ndaj Holandës, duke mos e lejuar të renditet në vendin e parë.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...