Kina u mposht me rezultatin 3-1 me sete përballë Holandës në Grupin B të Kupës së Botës në volejboll për meshkuj, në një sfidë ku “tulipanët” ishin në formë të shkëlqyer fizike, duke e dominuar kundërshtarin gjatë gjithë ndeshjes. Në setin e parë dueli ishte disi i rivalizuar, gjithsesi Holanda arriti ta mbyllte në shifrat 25-21. Në setin e dytë Kina ishte thujase inekzistente mbi parket dhe në fund u mposht në shifrat 25-13. në setin pasardhës, Kina jep shenja jete, duke e fituar me rezultatin 25-23. Humbja e këtij seti vetëm se i irritoi holandezët, të cilët ishin të papërmbajtshëm në setin e katërt duke e mbyllur në shifrat 25-13. Për Holandën kjo ishte fitorja e parë në Grupin B, ndërsa Kina pësoi disfatën e saj të dytë.