Tenis

Hopman Cup, Zvicra e Federerit triumfon ndaj Gjermanisë

Për të dytin vit radhazi Zvicra triumfoi në Hopman Cup dhe merita kryesore për një arritje të tillë pa dyshim i takon fituesit të 20 titujve Slam, Roger Federer. Ashtu si edhe në edicionin e kaluar, në finalen e madhe të këtij aktiviteti përfaqësuesja helvete mposhti ekipin e Gjermanisë dhe kurioz është fakti që në jugperëndim të Australisë, në Perth, ashtu si edhe 12 muaj më pare, dy vendet u paraqitën me po të njëjtat zgjedhje, Zvicra me dyshen Roger Federer – Belinda Bencic dhe Gjermania me binomin Alexander Zverev – Angelique Kerber.

Në takimin hapës kampionët në fuqi morën shpejt avantazhin teksa 37-vjeçari nga Bazeli mundi bindshëm 6-4, 6-2 numrin 4 të botës, sidoqoftë Gjermania barazoi shpejt rezultatin, pasi numri 2 i botës në tenisin e femrave, Angelique Kerber, theu 6-4, 7-6, 21-vjecaren me origjinë sllovake, që pozicionohet vetëm në vendin e 54-t në klasifikimin e përgjithshëm WTA.

Në finalen e edicionit të 31 të Hopman Cup në Perth Arena, përpara 15.000 spektatorëve, dyshja Federer – Bencic fitoi me 0 setin e parë, gjithsesi Gjermania u kundërpërgjigj duke mbyllur setin pasardhës me shifrat 4-1. Pas barazimit 3-3 në setin final gjithçka shkoi në “tie break” dhe dyshja Zverev – Kerber madje pati edhe dy mundësi për të fituar titullin, sidoqoftë, në fund, pas shkëmbimeve spektakolare, Zvicra arriti ta përfundonte takimin me rezultatin 5-4, duke mbrojtur kështu me sukses titullin e vitit të kaluar.

Për Federerin, në fakt, ky është trofeu i tretë në karrierë në Hopman Cup, pasi 18 vjet më parë Roger e fitoi gjithashtu një kompeticion të tillë, kur luajti në krah të të madhes Martina Hingis, që asokohe triumfoi ndaj dyshes së Shteteve të Bashkuara Monica Seles – Jan Michael Gambill.

Sezoni i ri në tenis ka filluar prej disa ditësh dhe turnetë e parë në kalendar në çdo fillim viti luhen si zakonisht në skajin më të largët të globit, në Australi dhe Zelandën e Re. Në Queensland është duke u zhvilluar edicioni i 11 i turneut të Brisbane-t dhe ditën e shtunë u përcaktuan edhe dy tenistët që do të ndeshen ndërmjet tyre pikërisht në finalen e sivjetshme. Në finale do të masin forcat Kei Nishikori dhe Daniil Medvedev, në një duel tepër interesant ndërmjet dy tenistëve që pozicionohen në 20-shen e parë të botës.

Fillimisht, Nishikori, numri 9 në klasifikimin e përgjithshëm ATP, eliminoi francezin Jeremy Chardy në vetëm dy sete, në një takim që zgjati diçka më shumë se një orë lojë. 29-vjecari japonez e mposhti bindshëm kundërshtarin e tij 6-2, 6-2, duke siguruar në këtë mënyrë edhe finalen e dytë në karrierë në këtë kompeticion, pasi në vitin 2017 tenisti nipon u mund në tre sete në finale nga bullgari Grigor Dimitrov.

Në krahun tjetër edhe Medvedev mundi një kundërshtar nga Franca si Jo-Wilfried Tsonga, që tani ka rrëshqitur në vendin e 239 në renditjen botërore. 22-vjeçari moskovit, sidoqoftë, vuajti vërtet shumë në setin e parë, madje në setin hapës numri 16 i botës e nisi takimin fillimisht në disavantazhin 3-0, ndërsa në vazhdim në tie break Daniil Medvedev i anuloi edhe dy mundësi për setin veteranit nga Le Manshi, për të mbyllur llogaritë me rezultatin 8-6. Në setin pasardhës Medvedev dominoi shkëmbimet dhe në fund tenisti rus përfundoi gjithë ndeshjen me shifrat 7-6, 6-2, në diçka më pak se një orë e gjysmë lojë.

Te femrat në finalen e ditës së dielë do të përballen Karolina Pliskova dhe Lesia Tsurenko. Fillimisht tenistja ukrainase shkaktoi surprizën e madhe duke eliminuar në vetëm dy sete 6-2, 6-4 kampionen në fuqi në US Open, numrin 5 të botës, tenisten japoneze, Naomi Osaka, ndërsa në gjysmëfinalen tjetër tenistja që mban numrin 8 në klasifikimin botëror dhe njëkohësisht kampionia e vitit 2017, 26-vjecarja çeke Karolina Pliskova theu 6-3, 6-4 kroaten Donna Vekic.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency