Kryendeshja e javës së tretë të IPKO Superligës ishte ajo e Drenasit ku u përball Feronikeli kampion në fuqi dhe Prishtina, dy skuadra që vitin e kaluar diskutuan deri në javën e fundit titullin kampion.
Në stadiumin “Rexhep Rexhepi” të qytetit të Drenasit ishin vendasit që arritën të festojnë në fund, falë triumfit me rezultatin minimal 1-0, që u vendos nga një gol i shënuar nga Mendurim Hoti në minutën e 9’ të takimit.
Me këtë triumf Feronikeli bën autokritikë për humbjen në Suharekë një javë më parë, ndërsa Prishtina nuk e ka gjetur ende fitoren e parë të kampionatit, ndonëse ka luajtur vetëm dy ndeshje që nga fillimi.
Me rezultatin minimal 1-0 ka fituar edhe skuadra e Flamurtarit në sfidën në shtëpi përballë Ferizajt, ndërsa takimi u vendos nga një gol i Kelmendit në pjesën e parë. Nuk pati fitues ndërkohë në Podujevë, ku Llapi e Ballkani ndanë nga një pikë në barazimin pa gola.
