Ardit Hoxhaj ishte protagonist i fitores së Flamurtarit në kryeqytet ndaj Partizanit, por vlonjati duket se është një mace e zezë për të kuqtë, sepse i ka shënuar plot 4 gola.
“Më vjen mirë që shënova, sepse ky gol më duhej edhe për moralin, pasi vija nga një periudhë jo e mirë. Sa i përket faktit që shënoj gjithmonë ndaj Partizanit, ndoshta të kuqtë janë të pafat ndaj meje dhe e pësojnë gjithmonë, por sut dua të gëzohem vetëm për fitoren”,tha Hoxhaj.
Mesfushori vlonjat vlerësoi edhe atmosferën dhe harmoninë brenda klubit të Flamurtarit, duke e cilësuar si çelësin e suksesit të skuadrës së Duros.
