Futbolli i Bregut të Fildishtë në zi. Moustapha Sylla, mbrojtësi 21-vjeçar që luante për Real Racing Abidjan, është ndarë nga jeta gjatë natës.
Futbollisti shfaqi probleme gjatë ndeshjes së kampionatit kundër SOL FC, e zhvilluar të dielën e 5 marsit në stadiumin “Robert Champroux”.
Federata e Futbollit të Bregut të Fildishtë ka shprehur ngushëllimet për vdekjen tragjike të futbollistit të ri, duke sqaruar dinamikën që çoi në këtë humbje të rëndë.
“Presidenti i Federatës së Futbollit të Fildishtë dhe Komiteti Ekzekutiv i tij me keqardhje njoftojnë vdekjen e lojtarit SYLLA MOUSTAPHA, mbrojtësi i majtë i Racing Club d’Abidjan. Ngjarja ndodhi të dielën, më 5 mars 2023, pasi u rrëzua në fushën e stadiumit “Robert Champroux”, gjatë ndeshjes së javës së 20-të të Ligue 1.
Lexo edhe:
- Nis “gjuetia” për titullin e tretë, Verstappen dominon në Bahrein. Zhgënjen Leclerc, befason Alonso
- VIDEO/ “Tërmet 7 ballësh” në Anfield, Liverpool turpëron keq Manchester United
- Në stol për 90 minuta, Inzaghi: Asllani duhet të punojë dhe të stërvitet!
- Ish-mbrojtësi i United kundër Bruno Fernandes: Vetëm ankohet në fushë, jam lodhur me atë
21-vjeçari u dërgua me urgjencë në spital, por fatkeqësisht nuk mbijetoi.
Në këtë moment pikëllimi, u dërgojmë ngushëllimet më të thella familjes së të ndjerit, drejtuesve dhe lojtarëve të Racing Club d’Abidjan, si dhe familjes së futbollit të Bregut të Fildishtë. FIF u kërkon të gjithëve që të luten për shpirtin e tij”.
Në rrjetet sociale pati një ndërhyrje të ashpër nga Didier Drogba, ish-sulmues dhe kapiten historik i kombëtares së Bregut të Fildishtë.
Në profilin e tij në Twitter, ish-Chelsea ka nënvizuar nevojën për ekzaminime më të sakta mjekësore te lojtarët në vendin e tij.
“Tre të vdekur në Pro Ligën e Bregut të Fildishtë në më pak se 4 vjet. Kur do të ketë kontroll mjekësor të detyrueshëm për çdo lojtar profesionist?
Analizat e gjakut, EKG, testet e stresit? Kur do të mbërrijë mjekësia sportive?”.
