Ka zgjatur vetëm 2 muaj eksperienca e Edgardo Bauzës në stolin e Arabisë Saudite. Pasi u shkarkua nga detyra si trajner i Argjentinës, 59-vjeçari nga Santa Fe ka marrë një tjetër goditje. Bauza nuk do të jetë më trajneri i Arabisë Saudite dhe nuk do ta drejtojë përfaqësuesen nga Lindja e Mesme në Botërorin, Rusi 2018, pasi drejtuesit e federatës së këtij vendi e kanë shkarkuar nga detyra argjentinasin si pasojë e dy humbjeve që Arabia Saudite pësoi në miqësoret e muajit nëntor, 3-0 ndaj Portugalisë dhe 1-0 përballë Bullgarisë.