Sebastian Vettel e pati të pamundur të ishte prezent në garën hapëse të Formula 1 për vitin 2022 pasi testet mjekësore konfirmuan prezencën e virusit COVID. Në këtë formë, makinën Aston Martin të gjermanit e pilotoi bashkëkombasi i tij, Nico Hulkenberg, i cili e mbylli në vendin e 17-të në pistën e Bahreinit.
Sakaq, këtë fundjavë, radhën e ka Çmimi i Madh i Arabisë Saudite ku sërish prezenca e katër herë kampionit të Botës është në dyshim. Vettel ende rezulton i infektuar nga COVID dhe skuderia Aston Martin ka bërë të ditur se do të japë një përgjigje përfundimtare rreth pilotit të saj vetëm në mëngjesin e së premtes duke shpresuar se statusi i 34-vjeçarit do të ndryshojë.
Në të kundërt, edhe në Arabi, një prej makinave të Aston Martin do të përfaqësohet nga Hulkenberg.