Për Gentjan Liçin humbja ndaj Kukësit ndodhi sepse Skënderbeu nuk ka më objektiva, por edhe sepse po eksperimenton me lojtarët e rij.
Duke folur në për emisionin “Gol pas Goli”, Liçi theksoi se ata po provojnë lojtarët e rinj në mënyrë që të dinë si të formojnë skuadrën e sezonit të ardhshëm, të cilin Skënderbeu do e kalojë në Kategorinë e Parë.
Ndërsa për ndeshjen e fundit të sezonit, atë ndaj Teutës, trajneri shtoi se për ta tashmë nuk kanë më rëndësi pikët.
Humbja ndaj Kukësit: “Siç e thash edhe javën e parë ne po aktivojmë lojtarë që kanë pak minuta, edhe sot aktivizuam tre të rinj dhe sigurisht duke pasur lojtarë të rinj është e vështirë t’i kërkosh më shumë apo të bësh më shumë.”
Pse lojtarë të rinj? “Kjo vjen sepse ne nuk kemi objektiva dhe sigurisht po përgatisim skuadrën për vitin tjetër, shumë lojtarët nuk e dinë ende nëse do të jenë pjesë e ekipit.”
Teuta, në takimin e fundit: “Për ne nuk ka rëndësi fitorja dhe tre pikët, ne do mundohemi të përfaqësojmë sa më mirë ngjyrat e ekipit dhe të provojmë sa më shumë lojtarë që t’i kemi gati për sezonin tjetër.”
