Humbja 1-5 në shtëpi përballë Luzit, ka rezultuar fatale për trajnerin e e Burrelit, Dorian Bubeqi, pasi drejtuesit e klubit kanë vendosur zyrtarisht shkarkimin e tij.
Tekniku 45-vjeçar mori drejtimin e Burrelit më 27 janar të këtij viti dhe drejtoi skuadrën matjane për plot 27 ndeshje, duke regjistruar 10 fitore, 6 barazime dhe 11 humbje.
Disfata që ‘mbushi kupën’ ishte pikërisht ajo ndaj kavajasve të Luzit, me rezultatin e thellë, teksa vlen të theksohet se Bubeqi u shkarkua pikërisht mbas ndeshjes së tij të 200-ë si trajner.
Lexo edhe:
- Historia e trishtë e Dwamena-s/ U braktis nga prindërit dhe u rrit mes vështirësive nga gjyshja
- Ndryshim te Shqipëria/ Dëmtohet mbrojtësi i njohur, Sylvinho fton 24-vjeçarin
- Tuci: Ëndërr të luaj me Kombëtaren, pozicioni që preferoj
- “Kyçi” portën ndaj kampionëve, Berisha në formacionin e javës në Serie A
Kavajasi 45-vjeçar e ka nisur karrierën si trajner te Besa më 22 prill të 2015-ës dhe ka drejtuar dy herë skuadrën e tij të zemrës, dy herë Erzenin e Shijakut, një herë Korabin e së fundi Burrelin.
Në 200 ndeshje në pankinë, thuajse të gjitha në Kategorinë e Parë, tekniku Bubeqi ka një bilanc prej 78 fitoresh, 38 barazimesh dhe 84 humbjesh.
