Connect with us

Hi, what are you looking for?

Lajme

Humbje e ëmbël për Barçën, Sevilla prek kualifikimin

Barcelona humbet por nuk vetëvritet në sfidën e parë të raundit të 1/8-ave të Kupës së Mbretit. Kampionët në fuqi të këtij kompeticioni të përbërë në masë të madhe nga lojtarët e stolit dhe të rinjtë premtues u mposhtën në Ciutat de Valencia me rezultatin 2-1. Goli i Coutinhos me penallti në sekondat e fundit mund të rezultojë përcaktues përsa i përket çështjes së kualifikimit, pasi në Camp Nou, Barçës mund t’i mjaftojë edhe një fitore 1-0 për të avancuar më tej. Pa Armando Sadikun që mungon prej disa muajsh por edhe shqiptarin nga Maqedonia Enis Bardhi i cili ishte lënë pushim nga trajneri Paco Lopez, Levante shtangu Barcelonën me dy gola të shpejtë në harkun e 18 minutave me mbrojtësin Cabaco dhe sulmuesin Borja Mayoral. Megjithatë penalltia e realizuar nga braziliani Coutinho në minutën e 85-të riktheu qetësinë te skuadra e Valverdes. Debutoi në këtë sfidë me Barçën edhe mbrojtësi kolumbian Jeison Murillo. Në ndeshjet e tjera, Sevilla pothuajse siguroi kualifikimin në raundin tjetër falë suksesit 1-3 në fushën e Athletic Bilbaos, ndërkohë që Real Betis barazoi pa gola ndaj Real Sociedad.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...