Elseid Hysaj mbetet çështje e merkatos në Itali. Futbollisti shkodran i Napolit, që këtë të shtunë lidhi kurorë në një ceremoni madhështore në Kalanë e Rozafës me Fiorenza Lekstakajn, pëlqehet edhe nga Roma, që po kërkon të ringrihet me Fonsecan në stol.
Edhe pse e ardhmja e tij duket se është pranë Atleticos së Madridit, në La Liga, skuadër që thuhet se ka ofruar 20 milionë euro për të, nuk përjashtohet mundësia që të qëndrojë në Serinë A.